5-6 наурызда Astana IT University-де Білім және мәдениет мәселелері жөніндегі Еуропалық атқарушы агенттіктің (EACEA) қолдауымен, Қазақстан Республикасының Ғылым және жоғары білім министрлігімен бірлесе Қазақстандағы Erasmus+ ұлттық кеңсесінің ұйымдастыруымен «Білім беру және оқытудың инновациялық стратегиясы: әдістер, технологиялар мен құралдар» тақырыбында семинар өтті.
Семинардың ашылуында Еуропалық Одақтың ҚР-дағы Елшісі Кястутис Янкаускас мырза және ҚР ҒжЖБМ Жоғары және жоғары оқу орнынан кейінгі білім беру мазмұны басқармасының басшысы Рысгүл Кудретуллаева құттықтау сөз сөйледі. Семинарға Astana IT University ректорының м.а., Жоғары білім беруді реформалау жөніндегі ұлттық сарапшылар тобының (HERE) төрағасы Серік Өмірбаев төрағалық етті.
Іс-шараға бірқатар жоғары оқу орындарының академиялық мәселелер жөніндегі проректорлары, декандары және кафедра меңгерушілері қатысты. Іс-шараға еліміздің 30-дан астам ЖОО-ның өкілдері қатысты.
Семинарда Австрия елінен шақырылған сарапшы, Жоғарғы Австрия білім беру университетінің педагогика ғылымдары кафедрасының меңгерушісі Др. Иан Бём, HERE мүшелері және шақырылған спикерлер оқыту мен оқытудың инновациялық стратегиясын енгізу бойынша үздік практикамен және тәжірибелерімен бөлісті. Сондай-ақ, Доктор Иан Бем өткізген практикалық жаттығулар барысында семинар қатысушылары табысты инновациялық стратегияларды талдап, түрлі құралдарды, соның ішінде оқыту процесінде онлайн құралдарды қолдану бойынша өз көзқарастары мен тәжірибелерімен бөлісті.
Семинар аясында спикерлер болашақ мұғалімдердің көшбасшылығын дамыту, педагогтардың пәнаралық құзыреттілігін қалыптастыру, инклюзия және әлеуметтік импакт, педагогикалық тәлімгерлікті жетілдіру және жоғары білім беру жүйесінің цифрлық шынайылық сынды маңызды тақырыптарды қозғады.
Семинар Қазақстан контекстінде сабақ беру мен оқытудың инновациялық стратегиясының әдістерін, технологиялары мен құралдарын енгізу және қолдану бойынша идеяларды талқылау және тәжірибе алмасу үшін маңызды алаңға айналды. Іс-шараның барлық қатысушыларына семинарға қатысқаны туралы сертификаттар табысталды.
Instagram: erasmusplus.kazakhstan https://share.kz/g2XG
Facebook: NEO KZ 2023 – National Erasmus+ Office in Kazakhstan http://share.kz/g3yb
YouTube канал: NEO KZ 2023 https://share.kz/g2pQ
Телеграм канал:
https://t.me/NEO_KZ_2023
Пайдалы материалдар https://share.kz/g3WF