ҚазРусEng
ҚазРусEng

Ағылшын тілінен AITU iQyn олимпиадасы

Жеңімпаздар тізімі

Құрметті мектеп бітіруші түлектер!

Сіздерді AITU Ағылшын тілі пәнінен өтетін олимпиадаға қатысуға шақырады

«AITU iQyn 2023» Ағылшын тілі олимпиадасы – 11-12 сынып оқушылары қатыса алатын қашықтан өткізілетін олимпиада.

Біздің олимпиада – оқушылардың ағылшын тілін қаншалықты жақсы білетіндігін тексеруге әрі біздің университетімізге оқуға түсу кезінде ағылшын тілінен тапсырылатын емтиханнан босатылуға берілетін тамаша мүмкіндік.

Егер сіз шетел тілін аса ыждағаттылықпен үйреніп жүрген болсаңыз, әрдайым лексика мен грамматиканы есте сақтаудың жаңа тәсілдеріне қызығушылық танытсаңыз, IT саласын ағылшын тілінде оқығыңыз келсе, онда ағылшын тілінен өткізілетін «AITU iQyn 2023» олимпиадасы сізге арналған деп ойлаңыз.

 

Олимпиадаға қатысу формасы: қашықтан

Тур саны: 2

Олимпиада пәні: ағылшын тілі

Ереже

Олимпиада өтетін мерзім:

  • Олимпиада бітіруші сыныптардың (11-12 сыныптар)оқушылары үшін өткізіледі
  • Олимпиада қашықтықтан екі кезеңде өткізіледі: іріктеу және қорытынды кезеңдер.

Қатысушыларды тіркеу – 2023 жылдың 17 қаңтарында басталып, 24 ақпанда сағат 23:59-да аяқталады.

1 тур – 04.03.2023

1 турдың нәтижелері – 06.03.2023

2 тур – 07.03.2023-22.03.2023

Жеңімпаздарды жариялау – 30.03.2023

Олимпиадаға қатысу тәртібі:

  1. «AITU iQyn 2023» олимпиадасын таңдау
  2. Олимпиада ережелерімен танысу
  3. Онлайн тіркелу
  4. Тест тапсырмаларын орындау
  5. Бейнетаныстырылым дайындау
  6. Сертификат алу

1-ші тур

Бірінші турда онлайн тестілеу форматында лексика, грамматика және оқу дағдылары (400 сөзге дейінгі мәтін) тексеріледі. Тестілеу ұзақтығы – 60 минут. Тестілеу онлайн режимінде «Moodle» білім беру платформасында өткізіледі (бейне-нұсқаулық пен тіркелу Ресми сайтта қолжетімді). Әр қатысушы үшін есептік жазбалар жасалады және Олимпиадаға тіркелу кезінде көрсетілген поштаға жіберіледі. Қатысушы платформаға кіруді алдын-ала тексеруі керек.

  • Тестілеу 60 тапсырманы қамтиды

2-ші тур

Екінші турда ауызекі сөйлеу дағдылары тексеріледі. Екінші турға жіберілген қатысушылар бес күн ішінде берілген тақырыпқа бейне-баяндама дайындауы тиіс. Бейне сөйлеудің тақырыбы мен критерийлері Ресми сайтта қол жетімді болады.

Бейне қойылымға қойылатын талаптар:

  • бейне ұзақтығы-3 минут;
  • сөйлеу ағылшын тілінде болуы керек;
  • бейне түсіру және редакциялау кезінде арнайы құралдарды пайдалануға тыйым салынады (фондық дыбыстарды, анимацияларды, арнайы эффектілерді, сүзгілерді және т. б. қабаттастыру);
  • қатысушыдан басқа бөтен тұлғалардың бейненің өзіне қатысуына жол берілмейді.

Бейне жіберу нұсқаулығы:

  • платформаға бейне жүктеу YouTube.com қатынауды ашыңыз, сілтемені көшіріңіз;
  • Moodle платформасында көрсетілген «2 ROUND English Olympiad AITU iQyn» тапсырмасының сілтемесін тіркеңіз;
  • Ескертпе: көруге қолжетімсіз бейнелерді ұйымдастыру комитеті қарамайды.
2 тур бойынша нұсқаулық

Олимпиаданың екі турынан сәтті өткен қатысушыларға Astana IT University-ге түсу кезінде ағылшын тілінен түсу емтиханынан босату туралы сертификаттар беріледі.

Жеңімпаздар тізіміAITU iQyn 2 турының қатысушылары