Цифрлық технологиялар біртіндеп адамзат өмірінің барлық салаларына, соның ішінде білім беру саласына еніп, тұлға мен қоғамның дамуына ықпал етеді. Бұл білім беру жүйесіне осы технологиялар әкелетін артықшылықтарды зерттеу және пайдалану қажеттілігін анықтайды. Цифрлық технологияны қолдану көбінесе процестерді автоматтандырумен және адамның өзара әрекеттесуінің төмендеуімен байланысты, дегенмен олар білім беруде ешқашан мұғалімнің рөлін алмастырмайды. Алайда, жоғары оқу орындары COVID-19 пандемиясымен байланысты қиындықтарды бейнеконференц байланыс технологиялары мен Интернетті пайдаланбай, қалай жеңе алатындығын елестету қиын болар еді. Сондықтан технологиялар мұғалімдердің жүктемесін азайтуға және өнімділігін арттыруға, сапалы және инклюзивті білім берудегі кедергілерді жоюға, сонымен қатар өмір бойы оқуды қолдауға және оқушылардың үлгерімін арттыруға көмектесетін тиімді құрал бола алады.

Технологияларды қолдану әрдайым оң нәтиже бермесе де, дұрыс тәсілді таңдау міндеттер мен процестерді жеңілдету және автоматтандыру, ынтымақтастық пен ақпаратқа қол жетімділікті жақсарту, оқу процесін тиімді басқару үшін деректерді жинау және талдау сияқты артықшылықтарды енгізе алады.

2000 жылдардың басында басталған Массачусетс технологиялық институтының OpenCourseWare жобасы, сонымен қатар 2012 жылы Coursera және EdX платформаларында бір уақытта басталған жаппай ашық онлайн курстар (ЖАОК) әлемдегі онлайн білім берудің дамуына айтарлықтай әсер етті. Онлайн білім беруді дамыту және білім беру технологияларын зерттеумен тек қана қашықтықтан оқыту форматы бар жоғары оқу орындары (мысалы., The Open University) емес, сонымен қатар Cambridge University және Oxford University сияқты дәстүрлі оқыту тәсілін жақтаушылар да айналыса бастады. Бұл бағыттардың болашағы жаһандық онлайн оқыту платформаларында ЖАОК және білім алушылардың тұрақты өсуімен расталады.

– үздіксіз білім беру тұжырымдамасын іске асыру (үздіксіз білім беру платформасы, академиялық кредиттерді есепке алу және қайта есептеу жүйесі, білім беру бағдарламаларын біріктіруге арналған модульдер, академиялық кредиттер Банкі, толассыз құзыреттердің ұлттық шеңбері);

– білім беру технологиялары және оқытудың инновациялық әдістері саласындағы зерттеулер (адаптивті оқыту, ұсыныс жүйелері, виртуалды, толықтырылған және аралас шындық, виртуалды ассистент);

– білім беру технологияларын дамыту және оқу процесіне білім беру саласында инновацияларды енгізу (оқу деректерін талдау, дэшбордтарды әзірлеу, цифрлық бейін, талдау және шешімдер қабылдау жүйесі, виртуалды тренажерлер мен зертханалар);

-профессор-оқытушылар құрамының педагогикалық дизайн және цифрлық педагогика дағдыларын дамыту (оқу контентін және бағалау құралдарын әзірлеу әдістемесі, психометриялық зерттеулер, бірлескен және әлеуметтік оқыту).

1. «NVIDIA Omniverse платформасы арқылы университеттің виртуалды моделін құру» ішкі жобасы.

2. АКТ бойынша білім беру бағдарламаларын жетілдіру үшін өңірлік жоғары оқу орындарымен ынтымақтастық (ЦДИАӨМ ұйымдастыруымен).

3. Кадрларды даярлаудың құзыреттілік моделі негізінде үздіксіз IT-білім беру платформасын әзірлеу және өрістету