Корея Республикасы Елшілігі делегациясының Astana IT University-ге сапары

2022 жылғы 5 қазанда Корея Республикасының Қазақстан Республикасындағы Елшілігінің өкілдері, бірінші хатшы, саясат бөлімінің басшысы Янг Себёк және аға сарапшысы Есбол Сартаев университетімізге іс сапармен келді.

Кездесу барысында академиялық және тәрбие жұмысы жөніндегі проректор Б.Ә. Құмалақов AITU туралы презентация жасап, оның негізгі жетістіктері мен бағдарламаларын таныстырды. Болатжан Әрменұлы AITU-да Корей тілі мен мәдениетін үйренуге мүдделі студенттер субмәдениетінің бар екенін атап өтті. Осылайша, тараптар AITU студенттері үшін корей тілі орталығын ашу мүмкіндігін талқылады.    

Себёк мырза өз кезегінде Мемлекет басшысы Қ.-Ж. Тоқаевтың жуырдағы Жолдауында белгіленген IT-секторды дамытудың маңыздылығын атап өтті. Сондай-ақ Себёк мырза университеттегі жылы қабылдау мен егжей-тегжейлі презентация үшін ризашылығын білдірді.

Кездесу қорытындысы бойынша AITU зертханалары, әскери кафедра, ғылыми кітапхана және коворкинг орталықтарында таныстыру туры өткізілді.

Айта кетейік, бүгінгі таңда AITU Корея Республикасының жоғары оқу орындарымен, атап айтқанда Youngsan University, Inha University және Kyungpook National University-мен ынтымақтастық туралы меморандумдар жасасты. Меморандум шеңберінде студенттер мен оқытушыларға арналған академиялық ұтқырлық бағдарламалары қарастырылған.

Leave a Reply