Astana IT University мен Қазақстан Республикасының Цифрлық Даму, Инновациялар және Аэроғарыш Өнеркәсібі Министрлігі Инха университетінің өкілдерімен кездесу өткізді.

Astana IT Университеті Қазақстан Республикасы Цифрлық даму, инновациялар және аэроғарыш өнеркәсібі министрлігімен бірге Инха университетінің (Inha University) өкілдерімен екі жақты ынтымақтастық туралы кездесу өткізді.

Инха университеті Инчхон қаласында (Оңтүстік Корея) орналасқан жеке ғылыми-зерттеу және оқу орны. Кореяның ең маңызды және танымал жоғары оқу орындарының рейтингінде үздік ондыққа кіреді, ал оның техникалық және инженерлік-құрылыс факультеттері «Оңтүстік Корея университеттері» рейтингінде 4-ші орынды алады. Негізгі рейтингтік кестелер бойынша Инха университеті 2021 жылы QS әлемдік университеттер рейтингкіде 561-ші, The Times Higher Education рейтингінде 801-ші орында.

Кездесу барысында болашақ қарым қатынасты, өзара іс-қимыл бағыттары және білім беру саласындағы мүмкіндіктерді кеңейтуді, ЖОО арасындағы ғылыми зерттеулер мен халықаралық байланыстарды, сондай-ақ білім беру процесінде цифрлық технологияларды дамыту мәселелері талқыланды.

Сонымен қатар, Astana IT University студенті студенттерді қолдау жөніндегі Оңтүстік Кореяның мемлекеттік бағдарламасына қатысушылардың бірі болып, Инха Университетінде оқу грантын жеңіп алғанын хабарлаймыз.

Умбетов Елжан – «Computer Science» білім беру бағдарламасының екінші курс студенті академиялық ұтқырлық бойынша оқитын студенттерді қолдау бойынша Корей Республикасының бағдарламасына ұсынылды.

Елжанның «Korean Government Support Program for Foreign Exchange Students» бағдарламасы бойынша қаржыландыру 2021 жылдың күзгі семестрінде жүзеге асырылады және тұру, ұшу, сақтандыру шығындарын жауып, сондай-ақ қосымша стипендия тағайындалады.

Leave a Reply