2025 жылдың 27-28 наурызында Жан Моне модулі аясында «Жоғары оқу орындарындағы цифрлық мәдениет: Еуропалық перспектива (DigCEE)»» атты көктемгі мектеп өтті. Іс-шараның мақсаты – Қазақстанның жоғары білім жүйесіне еуропалық цифрлық білім беру тәжірибелерін интеграциялау және цифрлық оқытудағы қазіргі мәселелер мен мүмкіндіктерді талқылау болды.
Іс-шараның негізгі міндеттері:
- Еуропалық цифрлық білім беру тәжірибелерін енгізу мүмкіндіктерін талдау.
- Цифрлық трансформацияның жоғары білім саласындағы рөлі мен оның оқыту мен білім алуға ықпалын талқылау.
- Қатысушыларды Жан Моне бағдарламасымен таныстыру және білім алушыларға тағдау курсын ұсыну.
- DigCEE модулі аясында жүргізілген зерттеудің негізгі нәтижелерін ұсыну. Іс-шараны доктор Жібек Тлешова ашып, «Қазіргі жоғары білімдегі цифрлық құзыреттіліктің рөлі» тақырыбында негізгі баяндамасын жасады. Ол академиялық және кәсіби контекстерде цифрлық сауаттылықты, сын тұрғысынан ойлауды және онлайн өзара әрекеттесу дағдыларын дамыту маңызды екенін атап өтті. Ассистент профессор Эльмира Герфанова Жан Моне бағдарламасы туралы ақпарат беріп, таңдау курсы бойынша практикалық ұсыныстар жасады. Іс-шара барысында сондай-ақ DigCEE модулінің зерттеу нәтижелері ұсынылды: Қауымдастырылған профессор Жібек Тлешова «Еуропалық Одақ пен Қазақстандағы білім беру цифрландыруы: саясаттардың салыстырмалы талдауы» атты баяндамасын ұсынды, онда ЕО мен Қазақстанның цифрлық білім беру саласындағы тәжірибесі қарастырылып, Қазақстан контексіне бейімделетін үздік тәжірибелер ұсынылды. Доктор Эльмира Герфанова «Жан Моне жобасы бойынша цифрлық мәдениет және білім беру зерттеуі: студенттердің жауаптарындағы категорияларды талдау» атты баяндамасын жасап, студенттердің цифрлық оқыту туралы пікірлерінің нәтижесін талдады.