2022 жылғы 30 қарашада Astana IT University-ге Шмалькальден қолданбалы ғылымдар университетінің (SUAS), Германия информатика факультетінің профессоры және халықаралық координаторы Курт Энглмейердің сапары өтті.
Кездесу барысында Академиялық және тәрбие жұмысы жөніндегі проректор Б.А. Құмалақов университеттің тұсаукесерін өткізіп, ынтымақтастықтың негізгі салалары бойынша, атап айтқанда, AITU-ға DAAD, Erasmus+ қаржыландыру желісі бойынша неміс студенттерін тарту және шетелдік тәжірибені зерделеу мақсатында оқытушылармен алмасу ұсыныстары талқыланды.
К. Энглмейер өз кезегінде осы бағыттардағы ынтымақтастықты дамытуға дайын екендігін білдірді. Атап айтқанда, тараптар дәстүрлі оқыту форматына балама ретінде ұтқырлық бағдарламасын іске асыру үшін бірлескен цифрлық платформа құру идеясын қолдады. Сонымен қатар, профессор шетелдік студенттерге ағылшын тіліндегі информатика факультетінің жаңа пәндердің ұсынылатынын атап өтті.
Кездесу қорытындысы бойынша зертханаларға, ғылыми кітапханаға және коворкинг аймағына экскурсия жүргізілді. Университеттің инфрақұрылымымен танысу қорытындысы бойынша К. Энглмейер SUAS студенттерін AITU-ға академиялық ұтқырлық шеңберінде оқуға тартуға үлкен қызығушылық білдірді.
Айта кетейік, Шмалькальден қолданбалы ғылымдар университетімен ынтымақтастық туралы келісімге 2020 жылы қол қойылды. Ынтымақтастық кезеңінде AITU-дың 25 білім алушысы шығыс академиялық ұтқырлық шеңберінде оқуын аяқтады. 2022-2023 оқу жылының көктемгі семестрінде 11 студент SUAS-та оқуын бастауды жоспарлап отыр.