Astana IT University ғылыми кітапханасы университеттің ақпараттық ортасының ажырамас бөлігі, оның ресурстық, әлеуметтік-мәдени орталығы болып табылады және қол жетімділік, жеделдік және жайлылық қағидаттарына сәйкес университет студенттерінің, оқытушылары мен қызметкерлерінің ақпараттық қажеттіліктерін қамтамасыз етеді.

Кітапхананың басты міндеттерінің бірі инновациялық кітапханалық-ақпараттық өнімдер мен қызметтерді ұсыну арқылы университетте білім мен ғылымның сапасын арттыруға жәрдемдесу болып табылады.

Ғылыми кітапхана қоры және электронды кітаптар коллекцияларының саны университеттің білім беру бағдарламаларының талаптарына сәйкес жыл сайын жаңартылып отырады. Лицензияланған электрондық ресурстарға қол жеткізу, қашықтағы серверлерде орналастырылған және университеттің IP мекенжайлары бойынша қолжетімді.

Ғылыми кітапхана қызметкерлері оқырмандарға ақпарат іздеуге көмектеседі және студенттерге ақпараттық сауаттылық дағдыларын үйретеді.