Astana IT University университетіне академиялық ұтқырлық бағдарламасы аясында Үндістанның серіктес оқу орны – Chitkara University студенттері келді. Жаңа келген студенттер үшін таныстыру күні форматында кездесу ұйымдастырылды.
Кездесу барысында шетелдік студенттерге Қазақстан Республикасындағы шетел азаматтарын тіркеу ережелерімен, оқу үдерісінің талаптарымен, студенттік клубтармен және әлеуметтік қолдау шараларымен таныстырылды.
Айта кетейік, таныстыру күндері шетелдік студенттердің әлеуметтік бейімделу процесіне және университеттің департаменттері мен қолдау қызметтерімен өзара әрекеттесуіне ықпал етеді.