Бүгін Astana IT University-ге ҚР Парламенті Мәжілісінің депутаттары Екатерина Смышляева мен Павел Казанцев жұмыс сапарымен келді. Сапар барысында олар әскери кафедраның қызметімен танысып, студенттермен тілдесіп, білім беру жүйесіндегі алғашқы әскери дайындық (АӘД) бағыттарын дамыту мәселелерін талқылады.
Сапардың негізгі тармақтарының бірі — университет базасында өз өнімдерін таныстырған «Геотактика» компаниясының бағдарламасымен танысу болды. Компания мектептер мен жоғары оқу орындарына, соның ішінде әскери кафедраларға арналған АӘД саласындағы заманауи шешімдерді ұсынды. AITU мен «Геотактика» арасындағы ынтымақтастық жастарды сапалы әскери оқытуға бағытталған инновациялық әдістерді енгізуге мүмкіндік береді.
Сондай-ақ, әскери кафедрада оқу үшін берілетін грант құнын арттыру қажеттілігі туралы маңызды мәселе көтерілді. Бұл студенттердің жоғары деңгейде дайындалуына және қолдауға жол ашады.
Депутаттар бұған дейін де патриоттық тәрбие, ұлттық қорғаныс кадрларын даярлау және қауіпсіздік саласындағы цифрлық технологиялардың маңыздылығы жөнінде мәселе көтеріп жүрген болатын.
Дайындықтың стратегиялық бағыттарына назар аударып, білім беру саласындағы инновациялық тәсілдер мен жеке сектормен бірлескен жобаларға қызығушылық танытқаны үшін депутаттарға алғыс білдіреміз.