Ақпараттық смарт жүйелер бойынша V Халықаралық конференцияның қорытындысы
2025 жылғы 14–16 мамыр аралығында Astana IT University базасында 2025 IEEE International Conference on Smart Information Systems and Technologies (IEEE SIST 2025) конференциясы өтті.
Конференция IEEE халықаралық ұйымының қолдауымен және келесі серіктестердің қатысуымен ұйымдастырылды:
-ҚР Ғылым және жоғары білім министрлігі
-ҚР Цифрлық даму, инновациялар және аэроғарыш өнеркәсібі министрлігі
-«NNEF» қоғамдық қоры
-Халықаралық ақпараттық технологиялар университеті
Іс-шараға IT индустриясының әртүрлі салаларынан келген зерттеушілер, мамандар және студенттер қатысып, 20-дан астам елді қамтыды.
Конференцияның негізгі зерттеу бағыттары:
-Технология және инженерлік менеджмент
-Білім беру мен зерттеудегі IT
-IT қолданудағы жаңа трендтер мен технологиялар
-Деректер ғылымы және жетілдірілген аналитика
-«Есептеу математикасының өзекті мәселелері» атты семинар
AITU цифрлық трансформация саласындағы жетекші орталық екенін тағы бір мәрте дәлелдеді. Бұл алаңда ұсынылған зерттеулер халықаралық ынтымақтастық пен технологиялық прогреске жол ашады.
«IEEE SIST конференциясын өткізу — біз үшін үлкен мәртебе. Бұл — білім мен технологиялар трансферінің халықаралық алаңы.»
— AITU ректоры