Astana IT University делегациясы, Басқарма Төрағасы – Ректор Хикметов А.К. басшылығымен, 10-15 наурыз аралығында Қытайға сапар жасады. Академиялық алмасу, ғылыми зерттеулер және инновациялық білім беру бағдарламаларын дамыту мақсатында жетекші университеттермен және технологиялық компаниялармен маңызды келісімдер жасалды.
AITU Қазақстанның Қытайдағы Елшісі Ш.Ш. Нурышевпен кездесіп, студенттермен алмасу және бірлескен зерттеулерді талқылады. Beijing University of Information Technology and Science (QS 430) университетімен AI саласындағы ынтымақтастық туралы меморандумға қол қойылды.
Peking University (QS 14) студенттердің халықаралық байқауларға және тағылымдамаларға қатысуын қолдады. Beijing Institute of Technology (QS 302) AITU студенттерін AI және Data Analytics магистратурасына қабылдады, ал Big Data Analytics бойынша қос дипломды бағдарлама әзірленуде.
Zhejiang College of Security Technology-пен келісім аясында бірлескен оқыту бағдарламалары мен түлектерді бакалавриатқа қабылдау мүмкіндігі қарастырылған. Yalong High-Tech компаниясымен робототехника зертханасын ашу туралы келісім жасалды.
Бұл келісімдер AITU-дың халықаралық білім беру және ғылыми ортадағы орнын нығайтып, студенттер мен оқытушылар үшін жаңа мүмкіндіктер ашады.