Astana IT University және Ядролық физика институты IT әзірлемелерін ғылыми зерттеулер мен ядролық технологияларға интеграциялау бойынша ынтымақтастық меморандумына қол қойды.
Ядролық физика институты – атом энергетикасын зерттеп қана қоймай, осы салада бірегей технологияларды әзірлейтін ғылыми орталықтардың бірі. Бұл тәжірибе қазіргі заманғы ғылыми-білім беру мекемелері үшін өте маңызды. Біз IT шешімдерін іргелі ғылыммен біріктіре отырып, жаңа мүмкіндіктерге жол ашамыз.
Меморандумның басты мақсаттарының бірі – ядролық сала үшін жоғары білікті IT мамандарын даярлау. Біз білім беру бағдарламаларын әзірлеуді, тағылымдамалар ұйымдастыруды және ғылым мен технология түйісінде жұмыс істейтін мамандардың біліктілігін арттыруды жоспарлап отырмыз.
Инновациялар ғылымның тоғысында пайда болады – бұл әріптестік технологиялық серпіліске бастайтын маңызды қадам!