Келісім студенттерге Euronews бағдарламалары мен тағылымдамаларына қатысу арқылы жаңа білім алу мүмкіндіктерін ұсынады.
Euronews – Брюссельде штаб-пәтері орналасқан халықаралық жаңалықтар агенттігі. Телевизия арқылы 160 елдегі 400 млн үйді қамтып, ай сайын 25 млн онлайн қолданушыға жетеді. Euronews Astana мәдениет, бизнес және саяхат тақырыптарына арналған бағдарламалар жасайды.
Euronews Академиясы студенттерге цифрлық журналистика, телерадио хабар тарату және медиаменеджмент бойынша курстар ұсынбақ. Халықаралық сарапшылардың қатысуымен өтетін бұл бағдарлама аясында Astana IT University студенттері әлемдік деңгейдегі медиа саласындағы үздік тәжірибелерге қол жеткізе алады.