Қазақтың тұңғыш академигі, көрнекті геолог Қаныш Сәтбаевтың 125 жылдығына орай «Отбасы хрестоматиясы» жобасының және «Қаныш және ғылыми майдан» кітабының авторы, белгілі ағартушы және шығыстанушы Санжар Керімбаймен кездесу өтті.
Іс-шара барысында Санжар Керімбай өз шығармаларының жазылу құпияларымен бөлісіп, оның кітаптары жастарды ғылыммен айналысуға және Қаныш Сәтбаев сияқты ұлы тұлғалардың үлгісімен елдің болашағына үлес қосуға қалай шабыттандыратынын айтып берді. Автор ғылымның студенттердің дүниетанымын қалыптастыру мен олардың әлеуетін дамытудағы маңыздылығына ерекше тоқталды.
Кездесу автормен естелік фотоға түсумен және барлық қатысушыларға арналған қолтаңба беру рәсімімен аяқталды.