13 желтоқсан күні Astana IT University-де Қазақстан Республикасының Тәуелсіздік күніне арналған салтанатты іс-шара өтті. Университет ректоры Асқар Хикметов құттықтау сөз сөйлеп, мерекенің маңыздылығын және әр адамның университет дамуына қосқан үлесінің құндылығын атап өтті. Өз сөзінде ол қызметкерлердің еңбегін жоғары бағалап, оқу орнының дамуына ерекше үлес қосқан қызметкерлерге алғыс хаттар табыстады.
Тәрбие жұмысы жөніндегі проректор Сапар Нұрахметұлы университет өміріне белсенді атсалысып жүрген студенттерді атап өтіп, олардың түрлі студенттік бастамалардағы жетістіктері үшін марапаттады.
Іс-шараның салтанатты бөлімі жарқын мәдени бағдарламамен толықтырылды: студенттік клубтар мен әскери кафедраның қатысушылары музыкалық және шығармашылық қойылымдар дайындап, мерекелік атмосфера қалыптастырып, студенттердің дарындылығын көрсетті.