26-27 қарашада Astana IT University негізінде Қазақстан Республикасы Қорғаныс министрлігінің ұйымдастыруымен «Геотактика» онлайн-жарысы өтті. Елімізде алғаш рет өткізілген бұл іс-шара қатысушыларға тактикалық ойлау, командалық жұмыс және әскери міндеттерді орындау дағдыларын жетілдіруге мүмкіндік берді.
Виртуалды алаңда 19 әскери кафедра, 2 әскери институт және 1 әскери колледж бақ сынап, бағдарлау, отты басқару және тактикалық жоспарлау бойынша тапсырмаларды орындады.
Жеңімпаздар:
1 орын — Қ.И. Сәтбаев атындағы Қазақ ұлттық техникалық зерттеу университетінің әскери кафедрасы.
2 орын — Toraighyrov University әскери кафедрасы.
3 орын — С.К. Нұрмағамбетов атындағы Құрлық әскерлерінің әскери институты.
Astana IT University осындай бастамаларды қолдай отырып, қазіргі заманғы технологияларды білім беру үдерісіне енгізудің маңызын көрсетеді. «Геотактика» сияқты виртуалды алаңдар болашақ мамандарға кәсіби дағдыларды жетілдіруге, тактикалық ойлау мен командалық жұмысты дамытуға мүмкіндік береді.
Жеңімпаздарды құттықтап, жоғары деңгейде дайындалған барлық қатысушыларға алғыс білдіреміз. Бұл университетіміз үшін еліміздің қорғаныс күштерін дамыту мен жаңа технологияларды білім беру саласына енгізуге қосқан үлес.