2022 жылы «Транстелеком» АҚ мен Astana IT University арасында ынтымақтастық туралы Меморандум жасалды.
Ағымдағы жылдың шілде айында белгіленген жоспарлар шеңберінде «Транстелеком» АҚ Huawei-ден 4G базалық станциясын құру үшін Astana IT University-ге жабдықты берді. Бұл жабдық пилоттық жобаларды тестілеу үшін жергілікті байланыс жүйесін құруға мүмкіндік береді.
Оқу жылының басында жабдықты іске қосу және телекоммуникациялық шешімдер зертханасын ашу жоспарлануда.
Ашық зертхана халықаралық даму және қайта құру банкінің қаржыландыруы аясында O-RAN стандарттарында құрылатын 5G шешімдер зертханасын толықтырады. Мұның бәрі іс жүзінде зерттеу жүргізуге мүмкіндік береді.