Astana IT University Digital Public Administration және Digital Jurisprudence білім беру бағдарламалары бойынша Ректор грантын тағайындау конкурсының қорытындысын жариялады.
Конкурстың негізгі мақсаты — академиялық әлеуеті жоғары, бастамашыл және ынталы талапкерлерді анықтау және қолдау.
Конкурстық іріктеу барысында қатысушылардың академиялық жетістіктері, қабылдау сынақтарының нәтижелері, жеке жетістіктері және шығармашылық тапсырмалары кешенді түрде бағаланды.
Конкурс қорытындысы бойынша Digital Public Administration және Digital Jurisprudence білім беру бағдарламаларына Ректор грантының иегерлері анықталды.
Astana IT University конкурстық іріктеуден сәтті өткен грант иегерлерін құттықтап, оларға оқуда табыс және алдағы уақытта жаңа жетістіктер тілейді.