«Терең оқыту көмегімен мойын омыртқаларындағы зақымдануларды анықтау»

Мойын бөлімі омыртқа жотасының ең жоғарғы және ең қозғалмалы бөлігі болып табылады, ол бастың қозғалысының әртүрлілігі мен еркіндігін қамтамасыз етеді. Мойын бөлігінің жарақаттары подвывихтар мен вывихтар, байлам аппаратының зақымдануы және омыртқа сынықтары болып бөлінеді. Сынық болған жағдайда жедел хирургиялық араласу қажет, ал қалпына келу кезеңі 3 айдан 1 жылға дейін созылады. Уақтылы ем жүргізілмеген жағдайда жүйке импульстарының өткізгіштігі бұзылып, созылмалы ауырсыну синдромы пайда болуы, тыныс алу, жұтыну сияқты функциялардың бұзылуы мүмкін.

Модель мойын омыртқаларындағы зақымдануларды анықтау үшін қолданылады. PyTorch құралын пайдалана отырып, терең оқыту модельдері құрылады және ашық дереккөздерден алынған мәліметтер негізінде оңтайландырылады. Соңғы мақсат — КТ суреттерін талдап, зақымдардың бар-жоғын анықтайтын нәтижелерді көрсететін ашық кодты веб-қосымша әзірлеу.

1. Мойын омыртқаларындағы зақымдануларды сегментациялау, локализациялау және анықтау арқылы автоматты түрде табуға арналған терең оқыту моделін әзірлеу
2. Медициналық кескіндерді пайдалана отырып, модельдің зақымдарды анықтау мүмкіндігін валидациялау
3. Валидация нәтижелерін қолданыстағы модельдермен және сарапшы-вертебрологтардың анықтау қабілетімен салыстыру
4. Омыртқа зақымдануын диагностикалау дәлдігін бағалау үшін модельдің клиникалық қолданылуын зерттеу
5. Жүктелген КТ суреттері бойынша мойын омыртқаларындағы зақымдануларды анықтайтын веб-қосымша әзірлеу

1. Айдана Жалғас Бозқұланқызы, жаратылыстану ғылымдарының магистрі, сеньор-лектор. Жобаның ғылыми жетекшісі. Жобадағы рөлі: Жобаны басқару, жоба кестесіне сәйкес барлық кезеңдерді орындау және қажетті нәтижелерді қамтамасыз ету.

2. Александр Гаврилко – AITU 2023 жылғы түлегі, BDA мамандығы бойынша. Жоба зерттеушісі. Міндеттері: Python тілінде бағдарламалау; локализация моделі; қосымша әзірлеу.

3. Аян Дүйсенов – AITU 2023 жылғы түлегі, BDA мамандығы бойынша. Жоба зерттеушісі. Міндеттері: Python тілінде бағдарламалау; классификация моделі; қосымша әзірлеу.

Сурет 1. КТ суреттерін талдау және өңдеуге арналған веб-қосымшаның концепті: мойын омыртқаларының интерактивті 3D реконструкциясы және метадеректері бар КТ суретінің бөлігі

Сурет 2. КТ суреттерін талдау және өңдеуге арналған веб-қосымшаның концепті: зақымдардың бар-жоғын анықтау нәтижелерін алу

Сурет 3. Суреттермен жұмыс істеу сызбасы

Сурет 4. Аралық нәтижелер