Астана IT университеті Гулам Исхак Хан атындағы Инженерлік ғылымдар және технологиялар институтымен (GIK институты) меморандумға қол қою арқылы халықаралық ынтымақтастықты кеңейтуге тағы бір қадам жасады. Меморандумға қол қою Қазақстан Республикасы Президентінің Пәкістан Ислам Республикасына мемлекеттік сапары аясында өтті. Астана IT университетінің ректоры Әлтайыр Ахметов кездесуге Мемлекет басшысымен бірге сапар барысында Қазақстан Республикасының ресми делегациясының құрамында қатысты. 1991 жылы құрылған GIK институты ағылшын тілінде оқытуды ұсынады және студенттер саны 2000-нан асады. Меморандум бірлескен білім беру және зерттеу жобаларын жүзеге асыруға, сондай-ақ студенттер мен оқытушылар құрамы үшін академиялық мобильділікті дамытуға мүмкіндік береді.
Бүгін Астана қаласының триатлон федерациясының өкілдерімен жұмыс кездесуі өтті. Кездесу барысында алғашқы университеттік «AITU RUN» жүгірісін ұйымдастыру мәселелері талқыланып, Astana IT University мен Астана қаласының триатлон федерациясы арасында ынтымақтастық туралы меморандумға қол қойылды. Бұл әріптестік университет қауымдастығында бұқаралық спортты дамытуға, студенттердің спорттық бастамаларға қатысуына және салауатты өмір салтын қалыптастыруға жаңа мүмкіндіктер ашады. Меморандумға Astana IT University ректоры Альтаир Ахметов және Астана қаласының триатлон федерациясының бас хатшысы Жанат Қожахметов қол қойды.
Құрметті Astana IT University студенттері мен қызметкерлері! Сіздерді Amazon компаниясында 7 жылдық тәжірибесі бар SWE Lead Айдана Нурланованың қонақ дәрісіне шақырамыз. Дәріс тақырыбы: «Amazon-да 7 жыл: менің жолым және Big Tech-тағы сұхбатқа дайындық кеңестері» Дәріс барысында спикер Amazon компаниясындағы кәсіби жолымен бөлісіп, Big Tech саласындағы жеке мансаптық тәжірибесі туралы әңгімелейді, сондай-ақ ірі халықаралық технологиялық компанияларға түсуге арналған сұхбаттарға дайындық бойынша практикалық кеңестерін ұсынады. Кездесу нақты тәжірибе, мансаптық даму және Big Tech компанияларындағы іріктеу талаптарын түсінуге бағытталады. 3 ақпан 15:00 Atameken Space
Astana IT University «Атамекен» Ұлттық кәсіпкерлер палатасының білім беру бағдарламалары рейтингінде көшбасшы жоғары оқу орындарының қатарында өз позициясын нықтай түсуде. Бағалау қорытындылары AITU-дың бірқатар бағдарламалары еліміздегі ең мықты бағдарламалардың қатарына енгенін көрсетіп, академиялық сапаның жоғары деңгейін, түлектердің бәсекеге қабілеттілігін және еңбек нарығымен тығыз сәйкестігін дәлелдеді. AITU университеттің білім беру экожүйесін дамытуға қосқан үлесі үшін профессор-оқытушылар құрамына, студенттерге және түлектерге ризашылығын білдіреді
Құрметті әріптестер! Интеллектуалды жүйелер мектебі сіздерді ғылыми семинарға (Research Talk) қатысуға шақырады: «Next Generation Photovoltaics» Спикер: Нұрсұлтан Мусаханұлы – AITU-дың доценті, Оксфорд университетінің постдокторанты (Физика кафедрасы, Clarendon Laboratory, Ұлыбритания). Спикер туралы: -Ұлыбританияның Global Talent визасының иегері -Фотовольтаика және жаңартылатын энергия саласында PhD дәрежесі (University of New South Wales, Сидней, Австралия) Жаңартылатын энергия саласында MSc дәрежесі (University of Manchester, Ұлыбритания) -«Болашақ» бағдарламасының стипендиаты Күні мен уақыты: 2026 жылғы 20 қаңтар, 14:00 Өтетін орны: Atameken Space Семинарға қатысуларыңызды асыға күтеміз!
5 желтоқсанда Корей мәдени орталығының жыл сайынғы іс-шарасы өтті, онда біздің KCA клубы K-қауымдастығы фестиваліне қосқан үлесі үшін марапатқа және Meet Korea фестивалін өткізгені үшін жыл сайынғы жетістік сыйлығына ие болды. Клуб өзінің жыл сайынғы шолуын ұсынды, онда Панчак, Meet Korea, Чусок және басқа да іс-шаралар атап өтілді.
