2026 жылғы 19 мамырда Astana IT University-де «Астана қаласының Трансфузиология ғылыми-өндірістік орталығымен» бірлесіп Донор күні өтті. Акцияға университеттің білім алушылары мен қызметкерлері қатысып, азаматтық жауапкершілік пен мұқтаж жандарға көмек көрсетуге дайын екендіктерін көрсетті.

Донорларды қабылдау трансфузиология орталығының мамандары тарапынан барлық санитариялық-эпидемиологиялық талаптар мен медициналық нормаларды сақтай отырып жүргізілді. Қан тапсыру рәсімі қауіпсіз әрі жайлы жағдайда ұйымдастырылып, тек стерильді бір реттік құралдар мен шығыс материалдары қолданылды.

Бес сағат ішінде акцияға қатысуға 61 адам ниет білдіріп, олардың 48-і қан доноры атанды.

Қан тапсырғаннан кейін донорларға қосымша демалыс күніне анықтамалар және 0,25 АЕК көлемінде тамақтануға өтемақы берілді.

Astana IT University барлық қатысушыларға бастамашылдығы, жанашырлығы және донорлық мәдениетті дамытуға қосқан үлесі үшін алғыс білдіреді.