Білім беру бағдарламасының мақсаты

«Цифрлық юриспруденция» бағдарламасының мақсаты – цифрлық технологияларды және заманауи құқықтық құралдарды меңгерген, цифрлық дәуір жағдайында тиімді жұмыс істей алатын жаңа буын заңгерлерін даярлау.

Маман лауазымдарының тізімі

• Заңгер
• Заң кеңесшісі (юрисконсульт)
• Адвокат
• Нотариус
• Мемлекеттік қызметші
• Прокурор
• Тергеуші
• Судья
• Бизнеске құқықтық қолдау көрсету жөніндегі маман
• Зияткерлік меншік жөніндегі маман
• Халықаралық құқық жөніндегі маман)
• Шарттық құқық жөніндегі сарапшы
• Салық және қаржы құқығы жөніндегі кеңесші
• Киберқауіпсіздік пен деректерді қорғау жөніндегі маман
• Цифрлық құқық және LegalTech жөніндегі кеңесші
• Стартаптар мен электрондық коммерцияны құқықтық сүйемелдеу жөніндегі маман,
• FinTech және цифрлық қаржыны реттеу жөніндегі сарапшы,
• Мемлекеттік ақпараттық жүйелер және комплаенс-бақылау жөніндегі маман
• Құқықтық ақпарат талдаушысы
• Құқықтық пәндер оқытушысы

Оқыту нәтижелері

• Мемлекет пен құқықтың негіздері, олардың тарихи дамуы, Қазақстан Республикасының конституциялық құрылысы мен мемлекеттік билік органдары жүйесі туралы іргелі білімдерді меңгеру; кәсіби қызметте ұлттық және халықаралық құқық нормаларын қолдану.
• Заңдар мен өзге де нормативтік құқықтық актілерді дұрыс түсіндіру және қолдану; құқықтық фактілер мен мән-жайларды кәсіби тұрғыдан дұрыс саралау; цифрлық технологиялар, жасанды интеллект және ақпараттық қауіпсіздік саласындағы құқықтық реттеудің ерекшеліктерін ескере отырып, құқықтық шешімдер қабылдау және жүзеге асыру.
• Құқықтық құжаттарды (шарттар, құқықтық қорытындылар, процестік актілер, шағымдар, өтініштер) сауатты құрастыру, оның ішінде электрондық құжат айналымын пайдалана отырып, сондай-ақ ақпараттық жүйелер, жасанды интеллект және ақпараттық қауіпсіздік саласындағы құжаттама талаптарын ескеру.
• Азаматтық, әкімшілік, еңбек, қаржылық, қылмыстық және басқа да құқық салаларындағы құқықтық мәселелерді талдау және тиімді шешу, цифрлық технологияларды құқықтық реттеу, ақпаратты қорғау, ақпараттық жүйелердің жұмыс істеуі және жасанды интеллектіні қолдану мәселелерін қамти отырып; дауларды шешуге қатысу және азаматтар мен ұйымдардың құқықтары мен заңды мүдделерін қорғауды қамтамасыз ету.
• Құқықтық ақпаратты іздеу және өңдеу үшін заманауи ақпараттық және цифрлық құралдарды (құқықтық дерекқорлар, eGov, электрондық құжат айналымы, талдамалық сервистер) пайдалану; құқықтық ақпаратты іздеу, өңдеу және түсіндіру үшін деректерді талдау әдістері мен жасанды интеллект технологияларын қолдану.
• Дәлелдемелерді, соның ішінде электрондық деректерді жинау, талдау және ұсыну; құқық бұзушылықтарды тергеу барысында криминалистикалық әдістер мен цифрлық құралдарды қолдану, ақпаратты қорғауды және ақпараттық қауіпсіздік талаптарының сақталуын қамтамасыз ету.
• Құқықтық зерттеулер жүргізу, ғылыми талдау әдістерін қолдану, алынған ақпаратты сыни тұрғыдан бағалау; кәсіби мәселелерді шешу үшін құқықтық дереккөздерді өз бетінше іздеу және талдау; ауызша және жазбаша дәлелдемелерді сенімді түрде құрастыра білу; пікірталастарға, модельдік сот процестеріне және басқа да кәсіби коммуникация формаларына қатысу арқылы құқықтық пайымдау мен дәлелдеу дағдыларын дамыту.
• Кәсіпкерлік, зияткерлік меншік және халықаралық жеке құқық саласында кеңес беру; бизнес-жобалар мен мәмілелерді, соның ішінде электрондық және трансшекаралық шарттарды дайындау және сараптау;құқықтық тәуекелдерді бағалау және азайту.
• Кәсіби ортада тиімді қарым-қатынас орнату, әртүрлі мамандықтағы мамандармен бірлесіп жұмыс істеу; келіссөздер мен медиация жүргізу; кәсіби этика мен әлеуметтік жауапкершілік қағидаттарын ұстану; көпмәдениетті және көптілді ортада толеранттылық пен ынтымақтастық таныту.
• Қазақ, орыс және ағылшын тілдерінде кәсіби деңгейде ауызша және жазбаша коммуникацияны жүзеге асыру; заңды құжаттарды үш тілде құрастыру және сараптау; халықаралық құқықтық ортада тиімді жұмыс істеу және кәсіби өзара іс-қимыл жасау.