Навигация

Комплаенс және тәуекелдер қызметі

Қызметтің міндеттері:

1) академиялық, құқықтық, қаржылық және репутациялық тәуекелдерді басқару саласындағы жұмысты ұйымдастыру, оларды барынша азайту бойынша AITU басшылығына ұсынымдар беру және олардың орындалуын бақылауды жүзеге асыру;

2) сапаны қамтамасыз ету, сыбайлас жемқорлыққа, алаяқтыққа қарсы іс-қимыл және іскерлік әдеп нормаларын сақтау мәселелері бойынша сыртқы реттеуші талаптар мен үздік халықаралық тәжірибенің сақталуын қамтамасыз ету;

3) мүдделер қайшылығының алдын алу және оны реттеу, ішкі және сыртқы стейкхолдерлердің, оның ішінде жұмысқа қабылдау, сатып алу және AITU-дың бизнес-процестері бойынша сенімділігін қамтамасыз ету;

4) AITU мен оның қызметкерлері тарапынан сыбайлас жемқорлық құқық бұзушылықтарының алдын алу және олардың профилактикасына бағытталған құралдарды енгізуді қамтамасыз ету;

5) AITU-да сыбайлас жемқорлыққа қарсы іс-қимыл шаралары жүйесін іске асыру;

6) комплаенс және тәуекелдерді басқару саласындағы ішкі нормативтік құжаттарды әзірлеу және өзектендіру;

7) сыбайлас жемқорлыққа қарсы комплаенс және тәуекелдерді басқару жүйесі бойынша уәкілетті және мемлекеттік органдармен, квазимемлекеттік және жекеменшік сектор субъектілерімен, қоғамдық бірлестіктермен, сондай-ақ өзге де жеке және заңды тұлғалармен өзара іс-қимыл жасау;

8) AITU-да сапа мәдениеті мен адал мінез-құлықтың корпоративтік мәдениетін қалыптастыру.

Қызметтің функциялары:

тәуекелдердің алдын алу және оларды барынша азайту мақсатында нормативтік құжаттар мен рәсімдерге талдау жүргізу;

тәуекелдерді сәйкестендіруді, талдауды және бағалауды жүргізу;

AITU қызметінің Қазақстан Республикасының қолданыстағы заңнамасына, мемлекеттік органдар талаптарына, ішкі нормативтік құжаттарға және халықаралық стандарттарға сәйкестігіне тұрақты талдау жүргізу;

келесі бағыттар бойынша тексерулер ұйымдастыру: сапаны қамтамасыз ету, сыбайлас жемқорлыққа қарсы мінез-құлық, алаяқтықтың алдын алу, іскерлік әдепті сақтау;

қызметкерлер, басшылар, алқалы органдар мүшелері мен серіктестер арасында ықтимал мүдделер қайшылығы жағдайларын анықтау;

AITU қызметкерлерінің сыбайлас жемқорлыққа қарсы саясатты, корпоративтік әдеп пен мінез-құлық қағидаттарын сақтауын бақылау;

AITU-дағы сыбайлас жемқорлық фактілері туралы өтініштер (шағымдар) негізінде қызметтік тексерулер жүргізу;

AITU ұжымында жалпыға бірдей қабылданған моральдық-этикалық нормаларға сәйкес келетін өзара қарым-қатынас мәдениетін қалыптастыруға жәрдемдесу және т.б.

Қызметтің құрылымы:

Абилмажинова Индира Дидарбековна
Академиялық комплаенс офицер

Тел.: +7 (7172) 645728 Email: indira.abilmazhinova@astanait.edu.kz
Офис: С1.2.328