Бүгін Astana IT University-де студенттердің Huawei ICT Competition 2026–2027 халықаралық байқауына қатысуына арналған ақпараттық кездесу өтті.
Huawei ICT Competition — Huawei компаниясы жыл сайын өткізетін халықаралық байқау. Ол әртүрлі елдердің студенттерін біріктіріп, ақпараттық-коммуникациялық технологиялар саласындағы білімі мен практикалық дағдыларын сынауға мүмкіндік береді.
Қатысушылар үшін бұл жай ғана байқау емес. Бұл — нақты технологиялық міндеттерді шешуге, білімін тәжірибеде қолдануға, басқа студенттермен тәжірибе алмасуға және өз құзыреттерін халықаралық деңгейде көрсетуге берілетін мүмкіндік.
Байқауға қатысу кәсіби дағдыларды жетілдіруге, жаңа тәжірибе жинақтауға және IT саласындағы мансаптық мүмкіндіктерге тағы бір қадам жасауға көмектеседі.