Олимпиаданың мақсаты – дарынды мектеп оқушыларын қолдау, физика пәніне қызығушылықты арттыру және ғылым мен технология саласындағы болашақ перспективалы мамандарды анықтау болды.

Олимпиаданың I кезеңі онлайн форматта өтіп, оған 66 оқушы қатысты. Іріктеу кезеңінің қорытындысы бойынша II кезеңге 15 қатысушы өтті.

Финалдық кезең университет базасында офлайн форматта ұйымдастырылды. Олимпиадаға 11–12 сыныптың 14 оқушысы қатысып, жоғары дайындық деңгейін, аналитикалық ойлау қабілетін және күрделі физикалық есептерді шешу дағдыларын көрсетті.

Марапаттау рәсіміне университет ректоры А.А. Ахметов қатысты.

Олимпиада жеңімпаздары:

1 орын — Серғазы Мағжан Әбілғазыұлы (Әл-Фараби атындағы ЖОББМ, Балқаш қаласы)

2 орын — Кузьменко Искандер Викторович (Дулат Бабатайұлы атындағы №89 мектеп-лицейі, Астана қаласы)

2 орын — Атаева Камила Адилбековна (Rivera International School, Астана)

3 орын — Онаев Амирбек Узбекович (Canadian International School)

Олимпиада жеңімпаздары мен қатысушыларын жоғары нәтижелерімен құттықтаймыз және оқуда, ғылыми қызметте және болашақ жетістіктерінде табыс тілейміз!