Ауыспайтын даму қағидаттарын ұстанған колледж оқытушылары өз студенттеріне де үлгі көрсетуде. Педагогикалық ұжым диалогқа, тәжірибе алмасуға дайын, халықаралық, республикалық, қалалық конференцияларға, байқауларға белсенді қатысады. Мәселен, қалалық инновациялық жұмыстар байқауында біздің мамандар бірінші және үшінші орынға ие болды.
AstanaHub-тан білім беру гранттарын 3 оқытушы жеңіп алды. «Заманауи білім беру жүйесі: идеялар, тәжірибелер, ізденістер» республикалық ғылыми-практикалық конференциясында олар жасаған баяндама үздік болды. Колледж оқытушылары сонымен қатар WorldSkills өңірлік, республикалық чемпионаттарының сарапшылары болып табылады. Астана әкімдігінің әдістемелік орталығымен бірлесіп «WorldSkills International халықаралық старттарына Competitor дайындаудың негізгі аспектілері» және т.б. семинарлар өткізілді.
